見工

有同事將會早我一星期離職，剛才有人來見工，填補他的空缺。

忍笑忍得好辛苦。

好明顯，他是有準備而來的。但準備得似乎過了火位，全程以辯論的方式回答，還要是做反方.......

我問：「呢份工的工作性質比較悶，你覺得係咪適合你呢？」

他答：「本人唔認同呢個睇法，我唔覺得悶......(下刪三百字)」

我問：「你本身讀Physics，點解會有興趣做呢份工？」

他答：「本人唔認同讀書讀邊科，就要做相關工作(又來，即係我講乜都係錯......)......」

我問：「你覺得.....」未問完他已搶著說話。

他說：「唔好意思，我想補充一點，我之前已經做過research，你地公司服務係xxxxxx，所以好清楚呢份工係做d乜。」 (可惜是他的research方向錯了，我們公司提供的又豈止你提到的那個product，這個職位跟你說的完！全！沒！有！關！係！

那麼喜歡搶答，到我問了他沒有準備的問題時，竟然dead air 30秒。

我問：「其實你有興趣做邊類型的工作？希望事業係邊方面發展？有無見過其他工？」

他答：「........(dead air 30秒)....我.....就係想係貴公司發展.....」

真係差少少就忍唔住笑左出來..........